Gasmengun á vestanverðu landinu
VIÐVÖRUN!!
Búist er við gasmengun á vestanverðu landinu í dag og gætu loftgæði orðið slæm. Veðurstofa Íslands spáir því að gasmengun sem er yfir landinu fari að berst til vesturs eftir hádegi, ásamt gasi sem kemur frá gosstöðvunum í dag.
Þegar líði á daginn verði austanvert landið að mestu laust við gasmengun. Á morgun er spáð meiri vindi sem ætti að blása því gasi burt sem hefur setið yfir landinu. Gasmengunar verður þó áfram vart, vegna nýs gass frá eldstöðinni í Holuhrauni. Það berst líklega yfir norðvestanvert og suðvestanvert landið - frá Skagafirði, að norðanverðum Vestfjörðum og suður að höfuðborgarsvæðinu.