Arnar Helgi Lárusson setti fimm ný Íslandsmet í Sviss – hetja í hjólastól

Frjálsíþróttamaðurinn Arnar Helgi Lárusson setti í gær Íslandsmet í 200m hjólastólaakstri þegar hann kom í mark á 34,55 sek. á móti íþróttamóti fatlaðra í Sviss. Arnar Helgi lauk keppni í 44. sæti.

Afar annasöm helgi er að baki hjá Arnari Helga hjólastólakappakstursmanni, en hann er nú staddur í Sviss á stóru móti.

Um helgina setti Arnar fimm ný Íslandsmet í greininni en hann á frekari möguleika að bæta við þann árangur. Hann keppir í dag miðvikudag í þremur greinum og loks klárar hann mótið með maraþonkeppni á laugardag.

Arnar skrifar á facebooksíðunni sinni að hann sé mjög ánægður með árangurinn. „Fimm ný Íslandsmet, fyrir einu ári hefði mér ekki dottið í hug að fara meira en 400m í alþjóðlegri keppni,“ segir hann stoltur.

Íslandsmet Arnars í Sviss um helgina:

200m - 34,55 sek

400m - 73,08 sek

800m - 2:39,40 mín

1500m - 4:57,87 mín

5000m - 16:50,81

Við á Heilsutorg.is óskum Arnari Helga innilega til hamingju með þennan árangur og fylgjumst vel með því sem koma skal í dag og n.k laugardag.