SJÚK ÁST
Sjúk ást er titill átaks sem Stígamót standa fyrir og hófst í aðdraganda Valentínusardagsins, 14. febrúar 2018.
Með átakinu viljum við vekja athygli á einkennum heilbrigðra, óheilbrigðra og ofbeldisfullra sambanda meðal ungmenna. Markmið átaksins er að koma í veg fyrir ofbeldi með fræðslu um heilbrigð samskipti og áherslu á virðingu í samböndum. Markhópurinn eru ungmenni í grunn- og framhaldsskólum.
Nafn átaksins er tvírætt: Eruð þið sjúklega ástfangin? Eða eruð þið „sjúk“lega ástfangin? Þetta vísar í hvað línan milli heilbrigðs og óheilbrigðs sambands getur oft verið óskýr í huga okkar.
Það er mikilvægt að velta þessum hlutum fyrir sér og fá ungmenni til að tileinka sér heilbrigð samskipti.
HÉR er linkur á Facebook síðuna Sjúk ást.
