3 auðveldar leiðir til að borða hollara fæði
Auðvitað eru ekki allir sem strengja áramótaheit, en margir byrja þó janúar með því að ákveða að bæta upp slæmar matarvenjur. En oft er byrjað of metnaðarfullt eða þá að mataræðið er of takmarkandi. Án góðrar áætlunar getur verið auðvelt að gefast upp. Hér er málamiðlun: byrjaðu á þessum þremur auðveldu leiðum til að borða hollara mataræði.
Stefnum eingöngu á alvöru mat
Horfðu á diskinn þinn og athugaðu hvað er unnið og hvað ekki. Kannski er allt tilbúinn
skyndibiti/aðkeyptur matur eða kannski er það bara hluti af máltíðinni þinni
(eins og t.d sósan á salatinu). Hugsaðu um hvar þú getur skipt um unnin matvæli
fyrir heilbrigðari útgáfur. Hugmyndir fela í sér :
- Borða heilkorna pasta í stað spaghettí með hvítu hveiti
- Að nota kínóa í stað hvítra hrísgrjóna
- Að búa til þitt eigið snakk eins og t.d bakaðar kjúklingabaunir í staðinn fyrir kartöfluflögur.
Unnin matvæli tengjast langvarandi bólgum og öðrum heilsufarslegum vandamálum eins og hjartasjúkdómum, sykursýki og krabbameini. Eitt hollasta mataræði sem þú getur borðað er t.d í Miðjarðarhafsstílnum sem er ríkt af grænmeti, belgjurtum, ávöxtum, heilkorni, hnetum og fræjum, fiski, alifuglum og fituminni mjólkurafurðum (mjólk, jógúrt, lítið magn af osti) .
Skipuleggðu máltíðir og millimál
Stilltu símann fyrir þrjár mismunandi máltíðir og tvö millimál (ef þú þarft á þeim að halda) og ekki borða á milli þessara áætluðu tíma. Þetta gæti dregið úr löngun og dregið úr streitu um hvenær þú borðar næst og dregið úr auka kaloríum Þetta er raunveruleg áskorun hvort sem þú ert heima eða á vinnustað.
Forðastu máltíðir eða snarl seint á kvöldin þegar innri klukka líkamans skynjar að þú átt að fara sofa. „Á svefntíma hægir á efnaskiptum okkar, meltingarfærin hægja á sér og hiti heilans lækkar, hluti af því að hreinsa eiturefni í svefni. Að borða á öðrum tímum en dæmigerðum vökutíma leiðir til þyngdaraukningar, “segir Dr. Lawrence Epstein, aðstoðarlæknir við svefn- og svefnsjúkdóma við Brigham and Women’s Hospital.
Minnkaðu skammtastærðir þínar
Ef þú ert eins og ansi margir, þá borðarðu of mikið.
Leið til að breyta því er:
Settu mat á diskinn þinn eins og þú myndir venjulega gera og taktu svo 1/3 eða
helming af matnum og skilaðu honum aftur á fatið.
Fleiri hugmyndir:
Notaðu salatdisk í stað matardisk til að blekkja sjálfan þig í að borða minna af mat.
Ekki hafa réttina á borðinu, þá er minni hætta á að freistast í að borða meira.
Ekki hanga við eldhúsborðið, þá er hætta á að þú borðir meira.
Það mun einnig hjálpa þér að vita hversu margar kaloríur þú ættir að neyta á dag. Til dæmis, ef þú átt að borða 2.000 hitaeiningar á dag en þú ert að borða 3.000 hitaeiningar, er líklega kominn tími til að skera alla venjulega skammta um þriðjung. Hvernig getur þú reiknað út kaloríuþarfir þínar? Smelltu hér
Samantekt: Taktu eitt skref á viku
Þú þarft ekki að stökkva af stað, taktu eitt skref á viku. Skrifaðu niður það sem þú borðar og veltu fyrir þér ferlinu. Eftir viku skaltu meta hvað virkaði og hvað ekki. Innan skamms munt þú treysta þér til að taka næsta skref.
Hér er svo endalaust af uppskriftum (ekki hika við að nota leitina)
Heimild : Harvard Health Blog.