Þriðjudagur og hugleiðing frá Guðna lífsráðgjafa
Hugleiðing á fallegum þriðjudegi~
Minn málflutningur snýst í kjarna sínum um tvennt:
Í fyrsta lagi að við látum af skaðlegri og víðtækri fjarveru með því að mæta inn í augnablikið og endurheimta orkuna okkar og í öðru lagi að allan sannan mátt sé að finna í hverju og einu okkar.
Við trúum aldrei umfram okkur sjálf.
Ef við trúum ekki á okkur sjálf og á eigin mátt getum við ekki trúað á neitt annað, ekki umfram eigin trú.
Til að tengjast mættinum, náttúrunni og guði verðum við að byrja á því að tengjast okkur af fullum krafti og skínandi skæru ljósi.