Líkamsþyngdarstuðull (BMI) – kannt þú að reikna út líkamsþyngdarstuðulinn?

Líkamsþyngdarstuðull er reiknaður út frá líkamsþyngd og hæð og er notaður sem mælikvarði á holdafar fólks. Stuðullinn hefur þokkalega fylgni við líkamsfitu og hættu á sjúkdómum. 

Þetta er reikniformúlan:

BMI = Þyngd / Hæð²

^{Sem sagt hæðin uppgefin í kílóum, deilt með þyngdinni í öðru veldi upgefinni í metrum.}

Dæmi:

Helgi er 90 kg og 1,84 m á hæð
BMI = 90/(1,.84 x 1.84) = 26.6

Hér getur þú á auðveldan hátt reiknað líkamsþyngdarstuðul þinn ef þú veist hæð þína og þyngd.

Rannsóknir benda til þess að einstaklingar með BMI lægri en 18.5 og einstaklingar með BMI hærri en 30 hafi hærri dánartíðni en aðrir einstaklingar. Þá er búið að leiðrétta fyrir aðra áhættuþætti eins og aldur, kyn og reykingar. Rannsóknir Hjartaverndar benda til þess að einstaklingur með BMI 31 - 32 sé að jafnaði í 40% meiri hættu á að deyja en eisntaklingur með BMI 23 - 24. 

Þótt líkamsþyngdarstuðull gefi hugmynd um áhættu þína hvað varðar sjúkdóma gerir hann ekki greinarmunun á því hvort umframþyngd in er vegna vöðva eða fitu. Dæmi eru um sterkbyggða íþróttamenn með mikinn vöðmassa sem hafa BMI yfir 30 þótt þeir þjáist ekki af offitu. Því þarf að túlka BMI varlega hjá smágerðum og stórgerðum einstaklingum svo og þeim sem hafa mikinn vöðvamassa. 

Heimild: mataraedi.is