Súrefni er höfuðóvinur kaffis

Súrefni er höfuðóvinur kaffis, það vinnur mjög hratt á bragðeiginleikum og ilm kaffisins.

Sé kaffi geymt í stofuhita yfir nótt, tapar það u.þ.b. 30% ilmefna þess yfir nóttina.

Eina leiðin til að varðveita nýbrennt eða malað kaffi að öllu leyti fyrir þessum óvini er að fjarlægja súrefnið algerlega og pakka því í lofttæmdar umbúðir.

Eftir að kaffipakkinn hefur verið opnaður er best að loka honum eins þétt og kostur er og geyma í ísskáp. Margir kaupa heilar kaffibaunir til mölunar í heimahúsum. Ef afgangur er í kvörninni að degi loknum er rétt að pakka afganginum niður og setja í ísskáp. Annars þorna þær og tapa ilm.

Fróðleikur frá kaffi.is