Svona trítar þú tásurnar með heimafótsnyrtingu

Það er kominn tími á tásurnar stelpur þó veðrið sé ekki búið að fatta það

Svona trítar þú tásurnar fyrir vorið með heimafótsnyrtingu.  Þér á ekki bara eftir að líða eins og þú labbir á skýi heldur verður maður svo ótrúlega fínn þegar tásurnar eru orðnar sætar.

Svona trítar þú tásurnar með heimafótsnyrtingu

Byrjaðu á fótabaði

Byrjaðu á því að setja heitt vatn í bala með sturtusápu eða jafnvel sjampói og leyfðu þér að vera í dásamlegu fótabaði í um 15 mínútur.

Pússa

Þerraðu fæturnar með handklæði og pússaðu svo allar dauðar húðfrumur með stein eða fótaþjöl. Leggðu sérstaka áherslu á hæla og táberg og þó þú gætir þurft að pússa duglega þá verður þú að passa að gera ekki of fast eða mikið og stoppa um leið og þú finnur hita eða sársauka.

Skrúbba

Það gott að enda á skrúbb og vel hægt að nota venjulegan líkamsskrúbb eða búa til þinn eigin ef þú átt góða uppskrift af slíkum. 

Klippa og hreinsa naglabönd

Klipptu neglurnar, ýttu naglaböndunum niður og klipptu þau varlega ef þarf. Þjalaðu svo neglurnar til að forma þær betur og nota ofurfína þjöl eða buffer til að renna yfir neglurnar.

Krem

Berðu fótakrem á fæturna eða feitasta kremið sem þú finnur og nuddaðu því vel inn. Gott er líka að setja olíu á fæturnar á kvöldin og sofa í sokkum. 

Lakk

Hreinsaðu allt krem af nöglum með naglalakkseyði og settu tásusvamp (tose sperator) milli tánna eða taktu einfaldlega smá lengju af klósettpappír og þræddu milli tánna til að ýta þeim aðeins í sundur. Lakkaðu því næst með undirlakki, lakki og yfirlakki og leyfðu að þorna og harna vel. Bestu er að leyfa tánum að vera alveg frjálsum í góðan tíma því lakkið er lengi að harðna þó það sé orðið snertiþurrt.

Fínar tær er gaman að viðra í sandölum þegar hlýtt er í veðri.