Ó N Æ M I S S K O T: Íðilgrænn engiferdrykkur með sellerí, sítrónu og mangó

NEI: Þú þarft ekki að notast við eingöngu grænkál í græna drykkinn og JÁ: Til eru fjölmargar gerðir af grænu káli sem gegna sambærilegu hlutverki og eru alveg jafn auðug af næringarefnum.

Hér er til að mynda kominn dásamlega styrkjandi drykkur sem inniheldur mangó og engifer, gúrku og sellerí! Sannkölluð ónæmissprengja sem er frábær í baráttunni við haustflensuna, orkar hreinsandi á nef- og ennisholur og róar viðkvæman maga. Sítrónusafinn er sneisafullur af C-vítamíni og hjálpar líkamanum að afeitrast en gúrkan og smátt skorinn sellerístöngullinn eru ekki bara frískandi á bragðið, heldur einnig auðug af K-vítamíni sem einnig er líkamanum nauðsynlegt að innbyrða.  

U P P S K R I F T:

1 bolli sellerí – fínt saxað

1 bolli fersk steinselja

2 bollar vatn

1 agúrka, afhýdd og smátt skorin

Bútur af ferskri engiferrót, smátt skorinn eða raspaður

3 bollar af mangó – smátt skorið

1 sítróna, afhýdd og steinhreinsuð

L E I Ð B E I N I N G A R:

Byrjið á því að blanda sellerí, steinselju og vatni saman – allt þar til blandan er orðin áferðarfalleg og kekkjalaus. Setjið því næst agúrkuna, fínrifna engiferrótina, mangóávöxtinn og sítrónuna í blandarann og hrærið öllu saman.

Dásemd er að bæta frosnum ávöxtum (t.a.m. frosnu mangói) út í blönduna!

Uppskrift af vef sykur.is