Vatnsdeigsbollur með Nutella fyllingu

Það er gaman að baka góðar bollur fyrir bolludaginn.

Hér er ein útgáfa af bollum með Nutella fyllingu.

Uppskrift eru um 8 - 10 bollur.

Hráefni:

100 g smjör

2 dl vatn

2 msk sykur 

110 g Kornax hveiti

3 stór egg

Aðferð:

Hitið ofninn í 200°C. (blástur)

Hitið vatn, smjör og sykur saman í potti og látið suðuna koma upp. (gott er að láta vatn, sykur og smjör sjóða vel saman í 2 - 3 mínútur áður en hveitið er sett út í.

Setjið hveiti út í, hrærið saman og látið kólna í 4 mínútur.

Takið pottinn af hitanum og setjið eggin út í eitt í einu, sláið vel saman á milli. Það er líka ágætt að setja deigið í hrærivélaskál og hræra þannig saman.

Setjið í sprautupoka og sprautið bollunum á pappírsklædda bökunarplötu en það má auðvitað gera það líka með tveimur skeiðum.

Bakið bollurnar í 25 – 30 mínútur, það er mikilvægt að opna ekki ofninn fyrstu 15 mínúturnar af bökunartímanum því þá er hætta á að bollurnar falli.  

Nutella fylling:

4 dl rjómi

1 banani

3 msk. Nutella

Aðferð:

Þeytið rjóma.

Maukið banana og Nutella saman með töfrasprota eða stappið vel saman með gaffli.

Blandið bananablöndunna varlega saman við rjómann með sleif.

Uppskrift frá Evu Laufey Kjaran