Chia grautur fyrir tvo

Chiafræin eru góð fyrir þá sem eru með glútenóþol. Chiafræin er líka mun fljótlegra að leggja í bleyti heldur en önnur fræ en þau þarf aðeins að hafa í bleyti í um 10-20 mínútur, en því lengur því betra og best yfir nótt.

Hráefni:

½ dl Chia fræ

vatn eða möndlumjólk/rísmjólk

banani eða aðrir ferskir ávextir eða frosin ber

kanill

Þegar fræin eru öll vel böðuð er gott að taka hálfan banana og mauka hann léttilega með grautnum með gaffli í skálinni eða setja frosin bláber eða önnur ber eða ávexti út í. Gott er að strá kanil yfir eða niðurskornum ávötum.

Önnur útfærsla:

Setjið ½ dl af chia fræjum í skál og baðið þau í vatni, þegar þau hafa legið nógu lengi (minnst 10 mínútur) er gott að hræra vel í grautnum og tryggja að það séu engir kekkir af þurrum fræjum.  Því lengur sem þau fá að liggja í vatninu, því meira tútna þau út og því best ef þau fá að liggja yfir nótt. Einnig er gott að bleyta þau í möndlumjólk, sojamjólk, haframjólk eða rísmjólk eftir smekk.

Það er svo mjög auðvelt og gott að gera góðan og saðsamann morgundrykk úr sömu innihaldsefnum . Þá eru settir um 300 ml af valinni mjólk í glas með loki, bætt við ¼ dl af chia fræjum, um 1 dl af frosnum bláberjum og drykkurinn er síðan hristur vel saman. Látið drykkinn svo standa  í glasinu í um 30 mínútur áður en hann er  drukkinn. Þá fá chia fræin að þenjast út og frosnu bláberin halda drykknum köldum.

Höfundur Stefanía Sigurðardóttir