Einfaldar aðferðir til að halda heimilinu og öllu sem því tilheyrir á sínum stað.

1. Nota gúmmíteygjur á blómvendi

Ef þú ætlar að búa til fallegan vönd til að setja í vasa og skreyta heimilið með þá er afar gott ráð að nota gúmmíteygju utan um stilkana svo vöndurinn haldist betur saman.

2. Notaðu myndaramma

Margir skrifa lista fyrir innkaupin og það sem vantar. Því ekki að nota myndaramma í það verkefni. Hægt er að fá penna sem auðvelt er að þurrka af ramma glerinu. Þetta er bæði fallegt og gagnlegt.

3. Notaðu gamlar sokkabuxur til að geyma jólapappírinn

Til að pappír fari nú ekki til spillis þá er afar sniðugt að nota sokkabuxur utan um afgangs pappír á rúllum. Klipptu skálm af gömlum sokkabuxum og rúllaðu upp pappírinn.

4. Naglalakkið

Ertu með marga lykla á kippunni? Notaðu naglalakk til að þekkja þá í sundur. Sem dæmi, rautt á útidyrnar, blatt fyrir geymsluna og svo framvegis.

5. Tómu skókassarnir

Klipptu skókassana í tvennt eftir lengd eða breidd og notaðu í skúffur í svefnherbergisskápnum eða kommóðunni til að halda öllu í röð og reglu. Flott fyrir nærfötin, sokka og fleira.

6. Grind til að sortera skjöl

Sparaðu pláss. Fáðu þér grind í næstu bókabúð og notaðu til að geyma uppskriftir, skurðarbretti og pottlok.

Heimild: realsimple.com