Saucony á Íslandi kynnir : 4 hlaupið um helgina

Saucony á Íslandi kynnir 10. Víðavangshlauparöð Framfara.

Um tvær vegalengdir er að ræða, “stutt” og “langt” hlaup, og hefst styttra hlaupið á undan. Stutta hlaupið er yfirleitt um 700-800m og það langa 4-7.5km.

Keppnisgjald er 500kr en ókeypis fyrir börn undir 12 ára aldri.   

Eftirfarandi eru staðsetningar og dagsetningar:

1. 5.október við Elliðavatnsbæ
2. 12.október við Reynisvatn
3. 19.október við Borgarspítala
4. 3.nóvember á Tjaldstæðinu í Laugardal - Hlaup hefst kl: 13:00

Stigakeppni er í flokkum karla og kvenna og veitt eru verðlaun fyrir fyrstu þrjá einstaklinga í stigakeppninni að hlaupunum loknum. Þáttakendur mega og eru hvattir til að taka þátt í báðum hlaupum á sama degi.  Bæði hlaup á gefnum degi gilda til stiga einstaklings í stigakeppninni en aðeins þrír bestu keppnisdagar gilda í lokin. Þannig er óhætt að forfallast í einu hlaupi.

Hlaup 4 – Tjaldstæði og þvottalaugar í Laugardal – 3.nóvember

Hringurinn er 1.5km að lengd, tæknilegur og með nokkurri hækkun. Hlaupið er á grasi (mestmegnis) og möl. Mælt er með að hlaupa á gaddaskóm. Hlaupinn er 1 hringur (1.5km) í stutta hlaupinu en 5 hringir (7.5km) í því langa.

Bílastæði við Farfuglaheimilið eða Skautahöllina í Laugardal. Rásmark er inni á tjaldstæðinu.

Síðasta hlaupið gegnir jafnframt hlutverki brautarprufu og síðasta úrtökumóts fyrir Norðurlandamótið í Víðavangshlaupum sem fer fram á sama stað 9.nóvember.

Saucony hlaupaskórnir fást í Afreksvörum , Álfheimum 74 , Simi 533 1020 - Hjá honum Danna okkar sem veit allt um skó og aukahluti sem til þarf til hlaups.  Heimasíða www.afrek.is