Heilbrigði Íþróttafólks

Íþróttafólk þarf að gæta sérlega vel að heilsu sinni með því að huga að mataræði, vökvaneyslu, hvíld og heilbrigðum lífstíl.

Æfingar & ástundun, næring, hugarfarslegi þátturinn og heppni sem kemur líka við sögu.

Allt þetta vinnur saman í að skapa sterkan, hraustan & heilan íþróttamann. 

Svefn; að minnsta kosti 7-8 klst. virka daga. Reyna jafnvel að bæta aðeins við svefni um helgar. Ef að sofa á fram að hádegi, þá er mikilvægt að vakna um kl. 8 - 9 leitið og fá sér smá næringu, skyrboozt, skyr, Hámark, Hleðslu eða skál af hafragraut eða Cheeriosi til að líkaminn fái næringu á þessu tímabili og fram að næstu máltíð.

Borða 2 klst fyrir æfingar, létta en kolvetnaríka máltíð.  ½ - 1 banani 30 mín fyrir æfingu ef æfingin er löng og ef að hungur gerir vart við sig.

Morgunverður; mikilvægasta máltíð dagsins, grunnur að góðum degi og góðri æfingu.

Næring fyrir & eftir æfingar; borða kolvetnaríka máltíð 2 klst. fyrir átök. Til að flýta fyrir endurheimt og því að líkaminn jafni sig fljótt eftir átökin er æskilegt að borða sem fyrst eftir átökin. Best er að borða 20-30 mín eftir að átökum líkur og alls ekki seinna en 1 klst eftir átök, þetta á við bæði um æfingu og keppni.

*Taka með sér nesti á æfingar eða í leik. Til dæmis banana og kókomjólk, Hleðslu, KEA skyrdrykk, Hámark og ávöxt ef ekki matur innan við 1 klst eftir átökin. Einnig daginn fyrir keppni að tryggja að borða 20-30 mín eftir æfingu.

*Vítamín & Steinefni; þó svo að bætiefni á töfluformi séu engin töfralausn þá er allt í lagi að taka t.d. Heilsutvennu eða sambærilega vöru. Mikilvægt er að fylgja leiðbeiningum um magn á umbúðum vörunnar.

*Lýsi & omega 3, það má taka það saman og það er mjög mikilvægt í nútíma samfélagi. Ekki taka Omega 3-6-9, það er óþarfi því við fáum nóg af omega 6 úr fæðunni og líkaminn getur framleitt omega-9 sjálfur og því er hreint omega-3 besti kosturinn.

*Vökvabúskapur & krampar eða sinadráttur. Gæta vel að vökvabúskap líkamans. Drekka jafnt og þétt yfir daginn. Fylgjast með litnum á þvaginu og hafa það sem ljósast á litinn. Líkjum því við sítrónuvatn.

*Fjöldi máltíða, borða á 2-3 klst fresti sem þýðir 5-7 máltíðir á dag.

*Ónæmiskerfið & meiðsli; næring og kolvetni spila þar stórt hlutverk, léleg næring, léleg endurheimt eftir æfingar og keppni. Góð næring þýðir að íþróttamaðufyrr og betur tilbúinn í átökin og líkaminn fljótari að jafna sig og vinnur betur úr æfingunum. Minni hætta á veikindum.

*Kolvetni ekki aðeins orka & næring fyrir vöðvana heldur líka fyrir heilann & taugakerfið, kemur inn á einbeitingu og andlegt úthald, viðbragðsflýti og hvernig lesið er í leikinn og aðrar keppnisaðstæður.

*Fæðubótarefni; á eigin ábyrgð

Fríða Rún Þórðardóttir
Næringarráðgjafi, íþróttanæringarfræðingur