Ljós bara er - hugleiðing Guðna á föstudegi

Allt sem þú veitir athygli vex og dafnar.

Ljós bara er, það bara skín, það bara veitir orku sinni í hvaðeina sem er til í að taka við henni.

Ljósið skín ekki fyrir móttakandann, það skín ekki til að láta eitthvað vaxa og dafna; ljósið skín af því að það er eðli þess og óumbreytanlegur sannleikur – að skína er tilgangur ljóssins.

Athygli er ljós og ljós fer ekki í manngreinarálit, rétt eins og sólin skín jafn skært á illgresi og fegursta blómagarð.