10 hlutir sem styðja við hreinsun og þyngdartap
Að viðhalda hreinum líkama er eitt það mikilvægasta sem við getum gert fyrir heilsuna, meiri orku og þyngdartap.
Í nóvember deildi ég með tölublaði Man hvernig á að komast að fæðuóþoli og hvað er til ráða. Fæðuóþol/viðkvæmni getur komið með árunum ef við leyfum uppsöfnuðum eiturefnum frá mataræði, lífsstíl eða umhverfi að safnast upp. Eiturefni geta komið jafnvel frá streitu eða skorti á svefni og því mikilvægt að viðhalda og sinna hreinsun líkamans reglulega. Hér koma mín helstu hreinsunarráð, þau sem ég geri mitt fremsta til að sinna daglega.
Að viðhalda hreinum líkama er eitt það mikilvægasta sem við getum gert fyrir heilsuna, meiri orku og þyngdartap.
Í nóvember deildi ég með tölublaði Man hvernig á að komast að fæðuóþoli og hvað er til ráða. Fæðuóþol/viðkvæmni getur komið með árunum ef við leyfum uppsöfnuðum eiturefnum frá mataræði, lífsstíl eða umhverfi að safnast upp. Eiturefni geta komið jafnvel frá streitu eða skorti á svefni og því mikilvægt að viðhalda og sinna hreinsun líkamans reglulega. Hér koma mín helstu hreinsunarráð, þau sem ég geri mitt fremsta til að sinna daglega.
10 HREINSUNARHOLLRÁÐ
- Vatn
Drekktu meira af vatni yfir daginn og reyndu að fara upp í 2 lítra á dag.
- Byrjaðu morgnana á bolla af heitu vatni með kreistri sítrónusneið.
Heitt vatn með sítrónu hjálpar líkamanum að losa sig við eiturefni ásamt því að bæta meltingu og auka þyngdartap vegna pectin-trefja og basískra eiginleika sítrónunnar.
- Taktu acidophilus (probiotic) daglega.
Acidophilus bætir jákvæða bakteríuflóru líkamans og hjálpar meltingu þinni að starfa á sem ákjósanlegastan hátt og þannig flytja úrgang hraðar út.
- Bættu við kryddjurtum,
kryddjurtir hafa sérstaka hreinsunareiginleika sem hjálpa líkamanum að hreinsa náttúrulega.
- Fáðu nægan svefn
Vertu viss um að þú fáir nægan svefn svo líkami þinn geti endurnýjað sig að innan sem utan og líffæri hreinsað sig náttúrulega.
- Hægðu á þér á meðan þú borðar og tyggðu vandlega.
Einbeittu þér að bragði og samsetningu máltíðarinnar og forðastu rafrænar truflanir eins og frá síma, tölvupósti eða sjónvarpi meðan á máltíð stendur. Þú ert líklegri til að skynja hvenær þú ert södd/saddur þegar þú ert ekki að gera tíu aðra hluti á sama tíma.
- Hreyfðu þig meira yfir daginn.
Farðu út að ganga, lyftu eða hvað sem fær þig til þess að svitna og komdu blóðflæðinu af stað og eiturefnunum út.
- Farðu í gufu
líkaminn hreinsar sig einna helst út frá húðinni og því er frábært að fara í gufu.
- Þakklæti
Taktu eftir einhverju einu sem þú ert þakklát/ur fyrir áður en þú ferð að sofa á hverju kvöldi. Að beina huganum að því jákvæða í lífi þínu er frábær leið til að ljúka deginum.
- Fylltu líkamann af andoxunarefnum og hreinsandi fæðu.
Bláber, krækiber, sveskjur og jarðarber eru fæða sem eru rík af andoxunarefnum og gott að bæta við útí boozt-drykk sem dæmi.
Ef þú vilt taka skrefinu lengra geturðu sótt 1 dags matseðil úr 5 daga matarhreinsun minni hér með uppskriftum sem styðja við hreinsun, þyngdartap og orku.
Líkaðu svo við á facebook og deildu með vinum þínum fyrir léttari og orkumeiri jól.
Heilsa og hamingja
Júlía