Uppskrift- Klattar úr blómkáli og kjúklingabaunum

Ég er eitthvað voða ástfangin af blómkáli þessa dagana, sérstaklega eftir að ég tók upp glútenlaust mataræði.

En þessir klattar eru alveg einstaklega góðir.

Þeir eru góðir með fersku salati eða með hrærðum eggjum á morgnana. Einnig eru þeir mjög góðir með hamborgara í staðinn fyrir brauðið. 

Þessi uppskrift er stór, hún er fyrir 10 manns. Það má frysta afganginn ef þú notar ekki allt, en frystu eftir eldun.

Hráefni:

1 haus af blómkáli  - brjóta blómin af

1 dós af kjúklingabaunum, hreinsa og fjarlægja vatn

1 paprika – smátt skorin

1 laukur – smátt skorinn

2 hvítlauksgeirar, marðir

1 bolli af brauðraspi – heimagert án skorpu

1 tsk turmeric

1 tsk kúmen

Salt og pipar eftir smekk

Leiðbeiningar:

Forhitið ofninn í 180 gráður.

Sjóðið eða gufusjóðið blómkálið þar til mjúkt

Steikið lauk og papriku á lágum hita þar til mjúkt

Bætir hvítlauk á pönnu og steikið örlítið lengur

Í stóra skál skal stappa kjúklingabaunum og merja vel með gaffli

Bætið blómkáli saman við og stappið vel saman

Bætið nú rest af hráefni saman við og hrærið þar til allt er vel blandað saman

Blandan á að vera blaut og klístrast saman í kúlu

Nú skal varlega búa til kúlur í höndunum – c.a stærð á golfkúlu

Notaðu lófana svo til að fletja kúlurnar út

Nú skal steikja klattana á pönnu með olíu í örstutta stund

Bakið svo í ofni í 25 mínútur, snúðið klöttum við og bakið í aðrar 20 mínútur eða þar til klattar eru gylltir

Ps: nota má í stað brauðrasps, glútenlausa hafra ef þú ert að borða glútenlausan mat.

Njótið vel!