Banana-Pistasíuís

Þegar bananarnir á mínu heimili komast á eftirlaun þá baka ég stundum bananabrauð. Stundum búta ég þá niður og skelli þeim í frystinn.

Frosna banana er gott að nota í hvaða smoothie eða shake sem er og algjörlega ómótstæðilegt að búa til ís úr þeim.

Í þetta skiptið bjó ég til banana-pistasíuís en í honum leynist líka avocado sem gefur silkimjúka áferð og frekara næringarbúst. Dass af kókosmjöli, döðlum og vanillu setur svo punktinn yfir I-ið.

Eins og þeir segja á enskunni.... here is how...

Banana-Pistasíuís

2 vel þroskaðir og frosnir bananar

1/2 vel þroskað avocado

2-3 msk pistasíuhnetur frá Sólgæti (+ meira til skrauts)

1 msk kókosmjöl frá Sólgæti

2 döðlur frá Sólgæti

1/2 tsk vanilludropar

Aðferð

1) Setjið allt nema pistasíuhneturnar í matvinnsluvél og vinnið allt saman í silkimjúkan ís.

2) Bætið pistasíuhnetunum við og blandið í örstutta stund (5 sek max) í matvinnsluvél.

3) Berið fram strax og skreytið með pistasíuhnetum eða stingið í frysti til að borða síðar.

Ég mæli með því að þið látið ísinn standa í 2 klst áður en þið neytið hans samdægurs. Ég veit - biðin er erfið.

Frábær uppskrift frá henni Birnu.