Súpa er ekki það fyrsta sem maður hugsar útí þegar agúrka er annars vegar. 

En eftir að hafa prufað þessa uppskrift þá er hún komin í uppáhald hjá mér. 

Dásamlega fersk og ekki verra að lauma smá cayenne pipar í hana eftir smekk og avókadóið gerir hana rjómalega góða.

Agúrku súpa

• 1 msk ólívu olía
• 2 hvítlauksrif
• 1 smár laukur
• 1 msk sítrónu safi
• 4 bollar af agúrku, flysjuð og skorin smátt
• 1 ½ bolli af grænmetissoði
• ½ tsk salt
• ¼ tsk pipar
• Hnífsoddur af cayenne pipar
• 1 meðalstór avókadó
• ¼ bolli af ferskri steinselju
• ½ bolli af létt jógúrt eða léttri ab mjólk

Hitaðu olíuna á meðal hita.  Steiktu hvítlaukinn ásamt lauknum í 1-4 mínútur.  Bættu við svo við sítrónusafanum og leyfðu því að malla saman í 1 mínútu.  Bættu svo agúrkunni útí en skildu smá eftir af henni til skrauts.  Grænmetissoðið, pipar, cayenne o g saltið fylgja þarna með.  Láttu þetta malla aðeins saman og auktu svo hitann aðeins í 6-8 mínútur eða þar til að agúrkan er orðin meir og fín.  Taktu svo súpuna og settu í blandarann ( of heitur vökvi getur sprengt glerkönnur svo farðu varlega) Bættu við avókadó og steinselju.  Blandist þar til að þetta er komið með þykka og góða súpu áferð.   Setjið í skálar og setið jógúrt eða ab mjólk fallega í miðjuna og skreytið með restina af agúrkunni.

 Vertu með okkur á Facebook