RAW Mömmukaka með döðlukaramellu - Birnumolar
Bragðið svíkur engan og útlit kökunnar ekki heldur!
Geggjuð hráfæðiskaka frá Birnu Varðar
Kaka þessi er í raun þriggja laga. Botninn er úr pekanhnetum, möndlum og döðlum. Þá kemur fyllingin sem minnir um margt á ostaköku. Loks er þetta svo toppað með döðlukaramellu, pistasíuhnetum og ögn af dökku súkkulaði.
Bragðið svíkur engan og útlit kökunnar ekki heldur!
Þessa bara veeeeerðið þið að prófa!
Botn
- 80 g pekanhnetur
- 120 g möndlur
- 12-14 ferskar döðlur
,,Ostaköku"-fylling
- 2 bananar
- 120 g kasjúhnetur
- 200 g döðlur
- 2 msk hunang
- ½ dl olía til mýkingar (ég kýs isio eða repjuolíu)
- 1 tsk vanilludropar
- 2-3 msk kakóduft
,,Crunchy" döðlukaramella
- 8 döðlur
- 2-3 tsk hunang
- 1 msk hnetusmjör (fínt eða gróft)
- ¼ tsk salt
- 1 msk olía
- 1/2 tsk vanilludropar
Annað
- 10-12 pistasíuhnetur
- 70 % súkkulaði
Aðferð
1) Vinnið döðlur, möndlur og pekanhnetur vel saman. Þrýstið jafnt niður með hreinum fingrum í hringlaga form eða mót. Setjið í frysti.
2) Setjið allt sem á að fara í fyllinguna NEMA KAKÓ saman í matvinnsluvél og vinnið vel saman. Áferðin á að vera silkimjúk.
3) Skiptið fyllingunni í tvær skálar. Hrærið kakóinu saman við fyllinguna í annarri skálinni. Skiptið svo fyllingunum yfir til skiptis svo það komi fram skemmtileg litaskipting. Brjótið nokkrar pistasíuhnetur og ýtið laust ofan í fyllinguna. Frystið í 6-8 klst.
4) Þegar fyllingin er orðin vel frosin er best að losa kökuna úr forminu og færa hana á disk eða platta.
5) Vinnið allt sem á að fara í döðlukaramelluna GRÓFT saman en ekki í algjöra sósu.... þið viljið halda smá döðlubitum eftir. Skiptið jafnt yfir kökuna.
6) Bræðið 70 % súkkulaði yfir vatnsbaði og dreypið pent yfir
7) Geymið í frysti og takið út áður en hún er borin fram
Eitt orð: NAMM
Annað orð: AMEN
Takk fyrir!