Heilsugúruinn og metsöluhöfundurinn Ani Phyo kemur til landsins

Ani Phyo, heilsufrumkvöðull, metsöluhöfundur, íþróttakona og viðskiptaráðgjafi er á leiðinni til landsins og heldur á tvö matreiðslunámskeið og mexíkóska hráfæðiveislu á Gló í Fákafeni. 

Ani, sem býr í Los Angeles, varð gullverðlaunahafi í kraftlyftingum á SoCal 2013 og er leiðandi afl í heilsuheiminum. Hún hefur einnig skrifað sjö metsölu- og verðlaunabækur um heilsu og hráfæði.

Ani heldur reglulega hráfæði- og hreinsunar námskeið þar sem hún kennir fólki að búa til heilsusamlegan mat fyrir heimilið eða fyrirtækið, en hún leiðbeinir einnig fólki hvernig það á að stofna sitt eigið fyrirtæki í heilsu og lífstílsgeiranum. Ani, sem er sprenglærð í heilsu og viðskiptum, vinnur nú með Hvíta Húsinu að verkefnum tengdum heilsu, er sendiherra fyrir kvennaskrifstofur heilbrigðisstofnun Bandaríkjana þar sem hennar hlutverk er að hvetja konur að setja heilsu sína í forgang. Einnig vinnur hún með borgarstjórn Los Angeles sem nefndaraðili að koma á fræðslu í borginni um mikilvægi þess að borða hollt og hugsa vel um heilsuna. Þessi kjarnakona heldur nú námskeið í fyrsta sinn á Íslandi.

EKKI MISSA AF ÞESSU:

17. ágúst – FERSKAR OG BRAGÐGÓÐAR UPPSKRIFTIR - Ani kennir og deilir með nemendum uppáhalds uppskriftunum sínum sem eru hreinar, næringarríkar og hollar, vegan, raw og bragðgóðar!

19. ágúst - SAMVISKULAUS SÆTINDI – þar kennir Ani hvernig við getum töfrað fram alls kyns sætindi sem slá á sykurlöngun og eru raunverulega holl!

20. ágúst – MEXÍKÓSK HRÁFÆÐIVEISLA - Ani og Kate Magic taka höndum saman og bjóða upp á allsherjar margra rétta hráfæðisveislu og fjör. Tilvalið sem stefnumót, fyrir allt heilsuáhugafólk, sauma- og matarklúbba.

Taktu frá þitt sæti og fáðu frekari upplýsingar á http://www.glo.is/verslun/namskeid-og-fyrirlestrar/ – Allir viðburðirnir byrja klukkan 18:00 eru vegan, sykurlausir og glúteinlausir!