Gluggi sálarinnar – fróðleikur um augun

Oft er sagt að augun séu gluggar sálarinnar, en þau segja líka til um almennt ástand lífæranna.

• Blóðhlaupin augu geta verið afleiðing augnþreytu, almennt mikillar þreytu og óhóflegs magns af alkóhóli. Litlu blóðæðarnar á yfirborði augans geta stíflast og bólgnað upp.
• Einnig geta blóðhlaupin augu bent til skorts á B2 og B6 vítamínum og of litlu próteini í fæðunni. 
• Meðalmaðurinn deplar 12 sinnum á mínútu.
• Mannsauga er ca 23-24 mm á stærð og vegur um það bil 28 grömm.
• Glæran (öðru nafni hornhimnan) inniheldur engar æðar.
• Augun slitna ekki við notkun og heldur ekki af að lesa í lélegri birtu.
• Það er ekki hægt að halda augunum opnum meðan maður hnerrar. 
• Í samskiptum okkar við annað fólk miðlum við ómeðvitað ýmsum upplýsingum með augunum.  Samúð, andúð, hrifningu, viðbjóð, hneykslun . . . .

Og eins og málshátturinn segir:

“Eigi leyna augu ef ann kona manni”