Bakaðir kartöflubátar með hvítlauk og gráðosta ídýfu

Þessir bátar eru alveg afbragðs góðir með gráðosta ídýfu.

Flottir sem meðlæti eða bara einir og sér til að narta í.

Þessi uppskrift er fyrir 4-6 og einfalt að stækka hana.

Hráefni:

3-4 stórar kartöflur – skera í báta

4 msk af ólífuolíu eða þinni uppáhalds

2 tsk af salti

2 tsk af hvítlauksdufti

2 tsk af ítölsku kryddi (Italian seasoning)

½ bolli af rifnum parmesan osti

Val: fersk steinselja eða kóríander. Ranch eða gráðostadressing sem ídýfu. (sjá neðar uppskrift fyrir gráðosta ídýfu)

Leiðbeiningar:

Forhitið ofninn í 210 gráður.

Berið olíu létt á bökunarpappír sem settur er á plötuna. Setjið til hliðar.

Setjið nú kartöflubátana í skál og hellið olíunni yfir og hristið vel saman.

Takið litla skál og þeytið saman salti, hvítlauksdufti og ítölsku kryddblöndunni.

Setjið nú ostinn á kartöflubátana og passið að ostur fari á alla báta. Nú má setja kryddblönduna yfir og blanda þessu saman. Passið bara að bátarnir detti ekki í sundur.

Setjið nú kartöflubátana á bökunarpappírinn með hýðið niður og látið bakast í 25-35 mínútur eða þar til bátarnir eru mjúkir og gylltir.

Dreifið svo yfir þá ferskri steinselju þegar þú tekur plötuna úr ofninum.

Gráðosta ídýfa

Hráefni:

½ gráðostur

Klípa af hvítlauksdufti

½ bolli af sýrðum rjóma

½ bolli af létt majónesi – eða heimagerðu mæjó – SJÁ HÉR.

¼ tsk af tahini

Skvetta af sítrónusafa – ferskum

Skvetta af eplaediki

Leiðbeiningar:

Taktu meðal stóra skál og blandaðu öllu saman nema gráðostinum.

Gott er að smakka þetta til.

Blandið þessu vel saman. Á að vera örlítið þykkt eða svona eins og ídýfur eru.

Myljið gráðostinn niður og bætið í ídýfuna. Reynið að hafa ekki of mikið af stórum ostabitum.

Hrærið þessu vel saman.

Njótið nú vel með kartöflubátunum.