Bláberja chia parfait með tahini granola

Afar bragðgott og saðsamt að auki.

Fullt af andoxunarefnum sem koma úr bláberjunum.

Uppskrift er fyrir einn. Einfalt er að margfalda uppskrift.

Hráefni:

Bláberja chia parfait

½ bolli af kasjúhnetum – leggja í bleyti

¼ bolli + 2 msk af kókósmjólk

1,5 msk af chia fræjum

3-4 msk af frosnum bláberjum – má líka nota fersk

1,5 msk af sítrónusafa

2 tsk af maple sýrópi

Til skreytingar: bláber og thahini granola

Leiðbeiningar:

Undirbúningur fyrir bláberja chia parfait: Setjið kasjúhnetur í volgt vatn í 2-4 klukkutíma, notið krukku eða skál og hyljið hneturnar alveg með vatninu.

Þegar hnetur eru tilbúnar, hellið þá vatni af þeim og hreinsið þær almennilega.

Setjið nú allt parifait hráefni í blandarann á mesta hraðann og látið blandast þar til allt er mjúkt og dásamlegt.

Skiptið þessari blöndu í tvennt, setjið helming inn í ísskáp í 10 mínútur eða yfir nótt. Setjið hinn helminginn í skál og blandið saman við 2 msk af bláberjum.

Setjið nú þennan helminn með berjunum inn í ísskáp í 10 mínútur eða yfir nótt.

Parifait sett í krukkuna í lögum: takið fyrri helminginn og hrærið hann með skeið og bætið í þeirri mjólk sem þið notið ef þess þarf. Setið helminn af þessari blöndu í krukku og bætið muldu granola og bláberjum ofan á. Setjið nú restina af blöndunni ofaná. Nú má setja hina blönduna úr ísskápnum, þessa með bláberjunum efst í krukkuna, munið bara að hræra hana til.

Notið svo granola og bláber til skreytingar.

Njótið vel!