Guðni skrifar um höfnunina í hugleiðingu dagsins
Hugleiðing á mánudegi.
Mánudagshugleiðing~
Þakklæti er líka að skilja með hjartanu og öllum frumum líkamans að höfnun er einfaldlega viðnám gagnvart augnablikinu.
Flestir upplifa höfnun persónulega – þeir upplifa hana þannig að aðrir hafni þeim.
En það er bara ekki hægt.
Höfnunin liggur aðeins hjá okkur – hvergi annars staðar en í okkar eigin viðbrögðum og viðhorfum til eigin sjálfsmyndar.
Höfnunin getur ekki verið persónuleg; annað fólk getur ekki hafnað þér því að höfnunin getur ekki komið frá öðrum en þér, því upplifunin er öll þín.