Kynlífstæki eða hjálpartæki

Stundum eru kynlífstæki kölluð “hjálpartæki”. Ég er nokkuð viss um að fyrir sumum hljómi það eins og þau séu til að hjálpa til við eitthvað sem sé bilað. Ég velti því fyrir mér hvort það ýti undir það að pörum finnist ógnvekjandi að prufa að nota kynlífstæki. Algent er að eintaklingum finnist að kynlífstæki séu að koma í staðinn fyrir makann eða “hjálpa” til við að gera eitthvað gott sem makinn sé ekki að gera nógu vel.

Ég vil meina að kynífstæki séu svo frábær því þau geti haft einmitt öfug áhrif. Að kynlífstæki séu tæki sem bjóði upp á ný tækifæri. Mér finnst þau tilvalin til að byggja upp nýjar og spennandi upplifanir með makanum og byggja upp traust. Að treysta makanum fyrir einu og öllu í kynlífi er mjög mikilvægt og það að prufa nýja hluti saman er góð leið til að byggja það upp. Spennan og skemmtunin sem fylgir því að prufa eitthvað nýtt saman, kjánahrollinn og hláturinn þegar eitthvað nýtt skemmtilegt gerist. Það er yndislegt! Það er fátt betra en að stunda heilbrigt og gott kynlíf, hvort sem það er með sjálfum sér eða félaga. Að prufa ný kynlífstæki getur verið sjúklega skemmtilegt og getur jafnvel búið til spennu sem fær okkur til að hlakka enn meira til þessa góðu stunda.

Kynlífstæki eru ekki nauðsyn, en þau geta verið svo hressandi og frábær viðbót við það sem okkur langar að gera tilraunir með og höfum áhuga á að vita meira um. Ég legg því til að við notum þau ekki sem plástra heldur eins og smásjá vísindamannsins og byrja að gera tilraunir, rannsaka, prufa okkur áfram og hafa gaman.

Hver man ekki eftir fyrsta kynífstækinu sínu og hvað þú áttir eftir að læra margt? Það að þekkja sjálfan sig og vita hvað manni finnst best gerir kynlífið svo miklu betra. Og allar minningarnar. Minningar sem svo margir eiga mörgum árum seinna sem verða svo oft drepfyndnar sögur í góðra vina hópi eða eitthvað sem við hugsum um og hlægjum yfir inni í okkur.

Sjálfsfróun er yndisleg, kynlíf er gott og kynlífstæki eru skemmtileg.

Svölum kynkvötinni, þekkjum okkur sjálf, hættum aldrei að prófa nýja hluti. Njótum og höfum gaman að kynlífi.

Birt með góðfúslegu leyfi Blush
Blush.is