Fróðleiksmoli dagsins er í boði eggja

Við vitum öll að egg er fullt hús matar. Eitt á dag er skylda að því er mér finnst.

En stundum, eftir að egg hafa verið harðsoðin, þá getur verið erfitt að ná blessaða skurninu af. Það hangir allt fast og hálft eggið er næstum komið í tætlur því það situr allt fast í skurninu.

Hérna er ráð til að ná eggi úr skurni á augabragði.

Settu hálfa teskeið af matarsóda saman við vatnið sem eggin eru að sjóða í og þegar þau eru orðin harðsoðin þá næstum dettur skurnin bara sjálf af, það er það auðvelt að losa skurnið af egginu.

Prufaðu næst þegar þú ætlar að harðsjóða egg.

Fróðleiksmoli í boði Heilsutorg.is