Clif bitar

Það hefur líklega ekki farið framhjá neinum sem skoðar Birnumola reglulega að ég hreinlega dýrka hrákökur, kúlur og klatta á ýmsu formi.

Nú datt mér í hug að reyna að líkja eftir svokölluðum Clif bars sem ég nota oft sem orku í kringum erfiðar æfingar og keppnir en henta kannski síður sem snarl heima í sófa.

Ég var líka mjög forvitin að prófa "kínóa popsið" sem er hlægilega eðlislétt og framandi þegar maður handleikur pakkann. Hér erum við semsagt blásið quinoa sem minnir um margt á rice crispies.

Ég er ekki frá því að mér hafi tekst ætlunarverk mitt... og nú á ég ,,hráa" Clif bita inni í frysti til að njóta!

Clif bitar

80 g ferskar döðlur

2 dl kínóa pops frá BioFair

1 dl gróft haframjöl frá Sólgæti

1/2 dl jarðhnetur (helst ósaltaðar - þær fást t.d. í versluninni Fiska)

1 msk hörfræ frá Sólgæti

1/2 tsk kanill

1/2 dl fínt hnetusmjör frá Whole Earth + meira til að smyrja

2-3 msk Rowse hunang 

1/2 tsk vanilludropar

Lúkufylli af trönuberjum frá Sólgæti

Dökkt Vivani súkkulaði

Aðferð

1) Vinnið döðlurnar í matvinnsluvél.

2) Setjið döðlumaukið í hrærivél ásamt restinni af uppskriftinni (nema súkkulaðinu) og vinnið allt vel saman þar til þið eruð komin með klístraðan massa (þó ekki of klístraðan).

3) Mótið ferhyrning úr massanum - klappið og þrýstið með hreinum höndum eftir þörfum. Skerið þá litla bita með hníf og smyrjið þunnu lagi af hnetusmjöri á hvern bita. Setjið í frysti.

4) Bræðið súkkulaðið. Takið þá bitana út og stingið einum í einu ofan í súkkulaðið. Geymist í frysti eða kæli.