Naanbrauð „þegar maður byrjar getur maður ekki hætt“ útgáfan
Þetta er bara þannig meðlæti að það er hægt að bjóða uppá Naanbrauð með nánast öllum mat, sem forréttur með alskyns viðbiti og ídýfum eða bara sem meðlæti. svo er hægt að leika sér með kryddolíuna,bara hvaða krydd sem hverjum og einum dettur í hug. þið verðið að prófa!
Naan brauð
Naanbrauð „þegar maður byrjar getur maður ekki hætt“ útgáfan
2 dl vatn (ylvolgt)
20 g ger
1 msk Sykur
1 dl hrein Jógúrt
250g Hveiti
250g heilhveiti
1 tsk Salt
3 msk Isíó-4 olía
1 tsk hvítlauksduft
Sesamfræ til að strá
Kryddolían til að pennsla með:
1 dl Ísíó-4 olía
1 tsk hvítlauksduft
1 tsk cumminduft
½ tsk cayennepipar
1 tsk oregano
Salt eftir smekk
Aðferð:
Vatn, gerið, jógúrt og sykur blandað saman í hrærivélarskál og hrært aðeins saman, hveitinu, saltinu, hvítlauksduftinu og olíunni bætt útí og hnoðað í smá stund , ekki hnoða of lengi annars verður brauðið stíft. Takið deigið úr skálinni og hnoðið í kúlu, stráið hveiti í skálina og setjið deigið aftur í skálina, hyljið með plastfilmu eða klút í ca. 40 mín. þá eru mótaðar í litlar bollur og settar á hveitstráð borð , hitið pönnu enn ekki alveg á hæsta hita, rúllið brauðkúlunum út í ca. 2 cm þykkar pönnukökur og steikið á þurri pönnunni í ca.1 mínútu á fyrstu hlið og snúið þá brauðinu og pennslið með kryddolíunni, þá er brauðinu snúið aftur, það á aðeins að sjást litlir „brenndir“ punktar á brauðinu, þá er hin hliðin einnig pennsluð með olíunni, stráið yfir með sesamfræjum og haldið svo áfram með næsta brauð, gott er að þurrka af pönnunni með pappír á milli.
Einnig er meiriháttar að grilla brauðið á vel heitu grilli með sömu aðferð.
Borið fram með jógúrtsósu (sjá uppskrift undir sósuflokkinum okkar)