Heilhveitivöfflur

Frábærar og bráð hollar heilhveiti vöfflur. 

Tilvalið að skella í þessar um helgina. 

Uppskrift gefur um 12 stykki.

Uppskrift:

• 3 bollar KORNAX heilhveiti (græni pokinn)
• 2 tsk sjávarsalt
• 4  tsk lyftiduft
• 1 bolli olía
• 2 egg
• 2 bollar + 2 msk mjólk
• 2 msk smjör, brætt
• 2 tsk vanilludropar
• 4 msk sýrður rjómi

Aðferð:

Blandið öllum þurrefnum saman í skál og setjið til hliðar. Blandið olíu, eggjum, mjólk, smjöri, vanilludropum og sýrðum rjóma vel saman í annarri skál. Blandið þurrefnunum varlega saman við og passið að hræra ekki of vel saman, bara rétt þangað til allt er búið að blandast. Skellið í vöfflujárnið og búið til karamellueplin á meðan vöfflurnar bakast.

Karamelluepli

Uppskrift:

• 2 epli, skorin í sneiðar
• 1 msk smjör
• 2 msk púðursykur
• 1 tsk rjómi
• 1 tsk vanilludropar

Aðferð:

Bræðið smjör og púðursykur saman á pönnu yfir meðalhita. Þegar blandan byrjar að sjóða hellið þið rjómanum saman við og slökkvið á hellunni. Síðan blandið þið vanilludropunum saman við og loks er eplunum velt upp úr blöndunni. Leyfið þessu að malla á heitri hellunni (ekki kveikja samt aftur á henni) á meðan þið gerið vöfflurnar, eða þar til eplin eru orðin mjúk viðkomu.

Sætur rjómaostur

Uppskrift:

• 1 bolli mjúkur rjómaostur
• 8 msk hlynssíróp
• 2 tsk vanilludropar

Aðferð: 

Blandið öllum hráefnum vel saman og berið fram með vöfflunum og eplunum.

Njótið vel!