Hjartadagshlaupið

Tími og staður 
Sunnudaginn 29. september á Kópavogsvelli. Hlaupið hefst kl. 10:00.

Tímataka og flokkaskipting
Tími verður mældur í 5 og 10 km hlaupi. Úrslit birt eftir aldursflokkum í karla- og kvennaflokki, sjá eftirfarandi lista:

16 ára og yngri
17-39 ára
40 ára og eldri
Úrslit
Þegar úrslit liggja fyrir verður hægt að sjá þau á hjarta.is og á hlaup.is.

Verðlaun og viðurkenningar
Allir sem ljúka hlaupi fá þátttökuviðurkenningu frá Hjartavernd. Veitt verða vegleg verðlaun fyrir fyrsta karl og konu í 5 og 10 km hlaupi. Einnig verða veitt vegleg úrdráttarverðlaun. Verðlaunaafhending fer fram strax að hlaupi loknu.

Þátttökugjald
Ekkert skráningargjald.

Skráning
Hlauparar geta forskráð sig á hlaup.is. Þetta er til mikilla þæginda fyrir hlaupara, sem þurfa þá bara að fá afhent númer þegar þeir mæta í hlaup. Skráning verður einnig á staðnum, frá kl. 9:00 þann 29. september

Hlaupaleiðin
Byrjað við Kópavogsvöll, hlaupið út á Kársnes og til baka í mark inn á Kópavogsvelli. Drykkjarstöð verður á miðri hlaupaleið eða eftir 5 km og jafnframt við endamark. Þátttakendum verður einnig boðið frítt í Sundlaug Kópavogs eftir hlaup.

Leiðarlýsing 5 km og 10 km
Ræst er í 5 km og 10 km hlaupið við Kópavogsvöll. Hlaupið er í vestur að Hafnafjarðavegi eftir göngustíg. Farið er undir Hafnrafjarðarveg og hlaupið í vestur meðfram sjónum. Hlaupið er eftir stíg sem liggur með sjónum að Kópavogshöfn. Rétt áður en komið er að höfninni snúa 5 km hlauparar við sömu leið til baka en 10 km hlauparar halda áfram framhjá höfninni eftir Hafnarbraut þar til komið er að göngustíg sem liggur í austur eftir norðanverðu Kársnesinu. 10 km hlauparar fara síðan eftir þeim stíg þar til komið er að keilu við botn Fossvogsins þar sem þeir snúa við og hlaupa sama stíg til baka. Eftir að hlauparar hafa hlaupið undir Hafnarfjarðaveg er hlaupið eftir göngustíg norðan megin við Kópavogslæk að göngubrú. Þaðan liggur leiðinn upp að Kópavogsvelli og er hlaupið inn á hann og endar hlaupið á hlaupabraut undir stúku Kópavogsvallar.

Upplýsingar
Nánari upplýsingar gefur Bylgja í síma 535 1800 , tölvupóstfang bylgja@hjarta.is
Réttur til breytinga áskilinn.