SKRÁNINGARHÁTÍÐ REYKJAVÍKURMARAÞONS 2015

Skráningarhátíð Reykjavíkurmaraþons Íslandsbanka 2015 fer fram í Laugardalshöll. Á hátíðinni fá allir þátttakendur afhent hlaupagögn. Meðal annars þátttökunúmer og tímatökuflögu til að festa í skóreimarnar. Einnig verður hægt að skrá sig á skráningarhátíðinni.

Skráningarhátíð Reykjavíkurmaraþons Íslandsbanka 2015 fer fram í Laugardalshöll.

Á hátíðinni fá allir þátttakendur afhent hlaupagögn. Meðal annars þátttökunúmer og tímatökuflögu til að festa í skóreimarnar.

Einnig verður hægt að skrá sig á skráningarhátíðinni.

Opnunartímar

Fimmtudagur 20.ágúst kl.14-19
Föstudagur 21.ágúst kl.14-19

Mjög gott aðgengi er að húsinu og nóg af bílastæðum. Við Laugardalshöll eru 420 bílastæði og í næsta nágrenni þ.e. við Skautahöllina eru 220 stæði. Einnig eru 600 stæði við Laugardalsvöll sem er stutt frá auk þess sem margir strætisvagnar stoppa í nágrenninu.

Gengið er inn um inngang A í Laugardalshöll og fer afhending hlaupagagna fram í frjálsíþróttahúsinu. Þar munu einnig ýmsir aðilar kynna heilsutengda starfsemi og vörur.

Fyrirlestrar

Líkt og undanfarin ár verða skemmtilegir og fræðandi fyrirlestrar í boði á skráningarhátíðinni. Fyrirlestrarnir munu fara fram í fyrirlestrarsal Laugardalshallar sem er á vinstri hönd þegar komið er inn í húsið um inngang A. Fundarstjórn verður í höndum Þóru Bjargar Magnúsdóttur. Fyrirlestrarnir verða föstudaginn 21.ágúst kl.17-19 og er dagskrá eftirfarandi:

Kl.17:00	„Mikilvægi álagsstjórnunar í meiðslaforvörnum“ Róbert Magnússon, íþróttasjúkraþjálfari hjá Atlas endurhæfingu
Kl.17:15	„Hefur hlaupastíll áhrif á hlaupameiðsli?“ Hannes Hrafnkelsson, læknir og hlaupari
Kl.17:30	„Meira er ekki endilega betra“ Sigurður Pétur Sigmundsson, margreyndur þjálfari og hlaupari
Kl.17:45	„Hvernig getur rétt næring stutt við markmið þín í hlaupum?“ Fríða Rún Þórðardóttir, næringarfræðingur og hlaupari
Kl.18:00	Pallborðsumræður sem fyrstu fjórir fyrirlesararnir taka þátt í
Kl.18:20	„Nýr keppnisflokkur í almenningshlaupum?“ Hafsteinn Óskarsson, hlaupari og kennari, segir frá skemmtilegri leið til að bera saman árangur óháð aldri.
Kl.18:30	„Never too old to run“ Roger Robinson, prófessor við Viktoríu háskóla í Englandi og þjóðþekktur íþróttafréttamaður ræðir tengsl aldurs og árangurs í hlaupum. Roger er margreyndur hlaupari sem á aldursflokkamet í mörgum af þekktustu maraþonum heims og þ.á.m. 2:18,45 í Vancouver og 2:20,15 í Boston í aldursflokknum 40ára+.

Til baka í yfirlit