Ágæti Lífshlaupari.

Nú styttist í að vinnustaðakeppnin Hjólað í vinnuna 2019 hefjist í sautjánda sinn en að þessu sinni fer keppnin fram frá 8. - 28. maí.

Ef þið eruð ekki búin að draga fram hjólið nú þegar er tilvalið að fara að huga að því að gera það klárt fyrir Hjólað í vinnuna og sumarið! Skráning hófst þann 24. apríl og í undirbúningi er hægt að nota þetta flotta kort þar sem hægt er finna bestu leiðir í og úr vinnu.  Á heimasíðu okkar er einnig hægt að finna fleiri skemmtileg kort undir Göngu- og hjólastígakort.

Meginmarkmið Hjólað í vinnuna er eins og ávalt að vekja athygli á virkum ferðamáta sem heilsusamlegum, hagkvæmum og umhverfisvænum samgöngumáta. 

Keppt er í átta flokkum um flesta þátttökudaga hlutfallslega miðað við heildarfjölda starfsmanna á vinnustöðum og í liðakeppni um flesta kílómetra. Einnig verða í gangi liðstjóraleikur, skráningarleikur og myndaleikur og eiga allir skráðir þátttakendur möguleika á að vinna glæsileg verðlaun frá Erninum og Nutcase.

Við óskum hér með eftir ykkar liðsinni við að hvetja aðila innan þíns fyrirtækis til þátttöku í verkefninu þetta árið. Við hvetjum ykkur til að segja frá verkefninu á ykkar heimasíðum og samfélagsmiðlum. Í gegnum árin hefur myndast gríðarlega góð stemmning á vinnustöðum meðan á átakinu stendur. Von okkar er sú að svo verði í ár líka.

Að skrá sig til leiks:

1. Farið er inná vef Hjólað í vinnuna,
2. Smellt er á Innskráning efst í hægra horninu
3. Stofnaðu þinn eigin aðgang með því að skrá þig inn með Facebook eða búðu þér til notendanafn og lykilorð.
4. Velja má á milli þess að stofna vinnustað (þarf að gera ef vinnustaðurinn finnst ekki í fellilista) eða stofna/ganga í lið (þá er búið að stofna vinnustaðinn).
5. Skráningu lokið
Hægt er að nálgast ítarlegar skráningarleiðbeiningar inná vef Hjólað í vinnuna 

Nánari upplýsingar um Hjólað í vinnuna gefur Almenningsíþróttasviðs ÍSÍ í síma: 514-4000 eða á netfangið hjoladivinnun@isi.is.

Virðingarfyllst,

ÍÞRÓTTA- OG ÓLYMPÍUSAMBAND ÍSLANDS