Vöfflur með vanillurjóma og karamelliseruðum pekanhnetum

Hérna eru sko komnar aldeilis dásamlegar vöfflur og væri ekki tilvalið að skella í þessa uppskrift um páskana?

Hráefni:

4 egg

400 ml súrmjólk 

300 g Kornax hveiti 

1 tsk matarsódi

2 msk sykur

1/2 tsk salt

2 tsk vanilludropar

4 msk smjör, brætt 

Aðferð:

Þeytið egg og súrmjólk saman. 

Blandið þurrefnum saman í skál, bætið eggjablöndunni og smjörinu saman við og hrærið vel saman. 

Hitið smá smjör í vöfflujárninu og steikið hverja vöfflu í nokkrar mínútur. Berið fram með vanillurjóma, sultu og karamelliseruðum pekanhnetum. 

Karamelliseraðar pekanhnetur

poki pekanhnetur 

50 g sykur

1 msk smjör

rjómi, magn eftir smekk

Aðferð:

Bræðið sykur á pönnu.

Þegar sykurinn er uppleystur bætið þið smjörinu út á pönnuna og hrærið í. Saxið hneturnar og setjið út á pönnuna, steikið í 1 -2 mínútur. Hellið rjóma út á blönduna og hrærið aðeins saman. 

Vanillurjómi

250 ml rjómi 

2 tsk vanillusykur

Aðferð: 1. Setjið rjóma og sykur í skál og þeytið þar til rjóminn er orðinn léttþeyttur.

Dásamleg uppskrift frá evalaufeykjaran.com