Heilkornabrauð

Sumir þola ekki sesamfræ og er þá gott að skipta þeim út fyrir t.d. graskersfræ eða sólblómafræ. Bæði sesam- og birkifræ eru alveg einstaklega kalkrík og því frábært að bæta þeim út í brauð, grauta og boozt við hvert tækifæri, sérstaklega fyrir þau börn sem eru með mjólkurofnæmi eða óþol. 

225 g heilhveiti

115 g grófmalað spelt (eða eingöngu (340 g) grófmalað spelt fyrir þá sem eru viðkvæmir fyrir hveiti)

55 g tröllahafrar/hafraflögur grófar

55 g sesamfræ

55 g sólblómafræ

30 g birkifræ

½ tsk sjávarsalt eða fínmalað Himalayan salt

2 msk ólífuolía

1,5 msk vínsteinslyftiduft eða 1 msk þurrger (fyrir þá sem eru ekki viðkvæmir fyrir geri)

260 ml heitt vatn

1 msk hunang eða byggsíróp/malt extract ef notað er ger (þá má sleppa hunanginu)

1 msk sítrónusafi

Aðferð:

Setjið allt mjölið, fræin og saltið saman í skál.

Bætið við malt extrakt/byggsírópinu, ólífuolíunni og  þurrgerinu sem  bleytt hefur verið upp í 280 ml af volgu vatni í um 10 mínútur (eða vínsteinslyftidufti fyrir þá sem þola ekki ger), hrærið öllu saman með sleif. Ef gerið er ekki notað er hægt að líkja eftir gerbragðinu með því að setja 2 tsk af sítrónusafa saman við deigið.

Bakið brauðið við 180-200°C í 30 mínútur.

Aðferð: 1 msk ger = 1 ½ msk vínsteinslyftiduft + 1 - 2 tsk sítrónusafi.

Höfundur Stefanía Sigurðardóttir