Fífla síróp frá Dísu Óskars á Skjaldarvík

Fífla síróp - Dísa Óskars  

Það er eitthvað svo dásamlegt við það að nota hráefni sem aðrir líta á sem illgresi.
Og ef þú hefur ekki prófað að gera fíflahunang/síróp, maður lifandi, þá á þetta eftir að
gleðja þig mjööög mikið. Þetta er alger snilld með ostum og ofan á ost til að baka í ofni.
Að sjálfsögðu er líka hægt að nota þetta sem sætu í teið sitt og bara allt mögulegt.  

Hráefni:  

250 gr. fíflablóm  
1 sítróna  
1 l vatn  
1 kg. sykur  

Svona gerum við:

Þvoið blómin í köldu vatni, setjið í pott ásamt niðurskornum sítrónum, sjóðið saman í 3-5 mínútur, 
kælið yfir nótt. Sigtið og sjóðið upp með sykrinum þar til réttri þykkt er náð, getu tekið allt upp í 1 klst.  

P.s. þar sem ég er lítið fyrir mál og vog þá finnst mér best að gera þetta svona...  
Tína fíflablómin, hreinsa þau og setja í pott með 1-2 sítrónum fer eftir magni, 
láta vatn rétt svo fljóta yfir og sjóða í ca 5 mín, kæla yfir nótt. Sigta vökvann frá daginn 
eftir og setja jafn mikið af sykri og vökvanum í pott og sjóða niður þar til óska þykkt er komin á sírópið.  

Hægt er að fá enn gulara síróp með því að nota engöngu gulu laufin úr blóminu - 
ég nota alltaf allan hausinn, það er mun fljótlegra og ljómandi gott :)  

Gangi ykkur rosa vel með þetta og verði ykkur að góðu  

Dísa 
disaoskars.com

Hér er svo viðtal við Dísu sem Heilsutorg tók við hana.