Geggjaður þessi – EngiberjaHafra smoothie

Það er ekkert til sem heitir Engiber, að ég held, en þegar þú blandar saman bláberjum og engifer þá ertu komin með Engiberjadrykk.

Skemmtileg blanda af hráefnum í þessum drykk. 

Þetta er sannkallaður morgunverðadrykkur með höfrum.

Uppskrift er fyrir einn drykk.

Hráefni:

¼ bolli hafrar

½ bolli af frosnum bláberjum

½ bolli af hreinum jógúrt

½ bolli af ísmolum

2 msk af púðursykri – má sleppa

¼ - ½ tsk af rifnu engifer

Leiðbeiningar:

Skelltu höfrum og ½ bolla af vatni í blandarann. Leyfðu þessu að liggja saman til að hafrar mýkist í c.a korter.

Bætið nú bláberjum og rest af hráefnum saman við, skellið á mesta hraða og blandið þar til drykkur er mjúkur og freiðandi.

Hellið í glas og drekkið strax, njótið vel!