Avókadó eggjasalat – geggjað á ristað brauð

Ekkert majónes að finna í þessu salati.

Sundum þá er gott að eiga hollan og góðan mat í ísskápnum til að skella í sig í hádeginu eða taka með sem nesti í vinnu eða skólann.

Skelltu því á ristað brauð eða rúllaðu því upp í tortillavefju.

Hráefni:

6 harðsoðin egg

1 ½ þroskað avókadó, tekið úr hýði og stappað í mauk

1 ½ tsk af sjávarsalti – eða magn eftir smekk

Leiðbeiningar:

Setjið eggin í pott og hyljið þau með vatni. Setjið lok á pottinn og hitann í botn. Látið suðu koma upp, lækkið í hitanum og látið egg sjóða í 10-12 mínútur.

Hellið vatni af eggjum og látið kalt vatn renna á þau. Egg þurfa að vera köld svo það er gott að setja þau í ísbað í 10 mínútur.

Þegar egg eru köld þá skal fjarlægja skurn og skera þau niður í grófa bita.

Setjið nú avókadó í skál og blandið saman við sítrónusafa og sjávarsalti.

Stappið avókadó en hafið það samt örlítið kekkjað.

Bætið eggjum saman við og hrærið öllu vel saman.

Skellið svo salati á ristað brauð eða í tortilla vefju. Gott er að setja með aðeins af þínu uppáhalds salati og smá papriku.

Njótið vel!