Hafrasæla með ávöxtum

Upprunalega uppskrift að þessari sælu fann ég í bókinni Af bestu lyst 4.

Ég gerði nokkrar breytingar á henni og útkoman var hreint mögnuð.

Hvort sem þú átt von á gestum eða langar bara í eitthvað gott með morgunkaffinu á sunnudögum.... þá er þetta málið! Fljótlegra en að fara út í bakarí 

Botn:

3 3/4 dl fínt haframjöl

1 1/2 dl hveiti eða fínt spelt

1 dl heilhveiti

3/4 dl hunang

1 dl bragðlítil olía

1 egg

1 tsk lyftiduft eða 2 tsk vínsteins

Fylling:

1 dl þurrkaðar Hagvers döðlur

1 dl trönuber

1 dl vatn

*1 gult epli

*Kanill

*Kókosmjöl

Aðferð:

1) Setjið allt sem á að fara í botninn í hrærivél og hrærið vel saman

2) Smyrjið hringlaga mót (+/- 25cm) með olíu og pressið 3/4 hluta af botninum í mótið

3) Afhýðið epli og skerið í þunnar sneiðar. Raðið á botninn og stráið kanil yfir.

4) Hitið vatn upp að suðu í potti. Slökkvið undir og bætið trönuberjum og döðlum út í. Látið standa í nokkrar mínútur. Hellið þá úr pottinum í matvinnsluvél og vinnið í hálfgerða sultu.

5) Hellið ávaxtagumsinu yfir eplin og myljið svo restina af fyllingunni yfir

6) Bakið við 170° C í 30 mínútur. Ég tók mótið út eftir 20 mínútur og stráði smá kókosmjöli yfir og bakaði með síðustu 10 mínúturnar.

7) Berið fram og njótið

Uppskrift: Birnumolar.com