Geggjaður kjúklingaréttur á núll einni! 

Fyrir: 3-4

Hráefni:

1 kg Rose Poultry kjúklingalæri skorin í 2-3 bita

2 msk grænmetisolía

6 þunnskornar sneiðar engifer, afhýtt

60 ml + 2 msk Rice vinegar frá Blue Dragon

2 msk Soy sauce frá Blue Dragon

60 ml Sesame oil frá Blue Dragon

25 g fersk basilíka

Leiðbeiningar:

1. Setjið kjúklinginn í pott með vatni þannig að það fljóti yfir kjúklinginn. Hitið rólega að suðu og takið frá alla froðu sem myndast. Leyfið að mallast í 10 mínútur. Takið kjúklinginn úr vatninu og þerrið.

2. Hitið olíu á pönnu (wok ef þið eigið – annars bara þessa hefðbundnu) við háan hita. Setjið engifer á pönnuna og steikið í um 30 sek og hrærið á meðan reglulega í engiferinu. Bætið kjúklinginum saman við og steikið í um 30 sek.

3. Bætið því næst 2 msk af hrísgrjónaediki og 1 msk af sojasósu. Steikið í um 2 mínútur eða minna þar til kjúklingurinn hefur brúnast.

4. Bætið 60 ml af hrísgrjónaediki, 1 msk a sojasósu og 60 ml af sesamolíu saman við og leyfið að malla við meðalhita í um 20 mínútur eða þar til sósan hefur þykknað.

5. Bætið að lokum basilíkunni saman við og berið fram með hrísgrjónum.