Grænmetis- og baunasúpa

 

1 msk olía
1 stk rauðlaukur
3 stk hvítlauksrif, pressuð
½ stk rautt chili-aldin
2 stk meðalstórar gulrætur, sneiddar
1 stk fennika, söxuð
2 stk meðalstórar kartöflur, afhýddar og skornar í bita
3 stk grænmetiskraftsteningar
1½ l vatn
1 dós hakkaðir tómatar
2½ msk tómatþykkni
½ stk blómkálshöfuð, skorið í bita
½ stk appelsína safinn og rifinn börkur
salt og pipar
100 g forsoðnar kjúklingabaunir
handfylli fersk basilika, söxuð

Hitið olíuna í potti og steikið rauðlaukinn, hvítlaukinn og chili-aldinið þar til laukarnir verða mjúkir í gegn. Bætið gulrótum, fenniku og kartöflum út í og steikið áfram í 3 mínútur. Bætið grænmetiskraftinum, vatni og tómötum út í ásamt tómatþykkninu og látið malla í 20 mínútur.

Bætið blómkálsbitum út í og látið malla áfram í 10 mínútur. Skolið kjúklingabaunirnar og bætið þeim út í, látið malla áfram í 5 mínútur ásamt appelsínusafanum og berkinum. Kryddið með salti og pipar og stráið basiliku yfir.

NÆRINGARGILDI LDS 
Kcal:193 / 10% 
Prótein:7,5 g / 15% 
Fita:5 g / 7% 
Kolvetni:34 g / 11% 
Trefjar:8 g / 34% 
C-vítamín:60 mg / 100% 
A-vítamín:1938 IU / 39%

Leiðbeinandi dagsskammtur (LDS) er miðaður við 2.000 kcal (hitaeininga) orkuþörf.

Einnig má finna fleiri góðar uppskirftir á www.hagkaup.is