Stirður og aumur á morgnana? Hvernig á að laga það.
Suma daga finnst mér ég gamall. Ekki í aldri eða þekkingu minni á nýrri poptónlist
(þó að dóttir mín sé kannski ósammála) heldur hvernig líkamanum líður.
Það eru morgnarnir þar sem allir liðir virðast gamlir og ryðgaðir fastir.
Þú þekkir þetta kannski:
stirðleiki og verkir (og meðfylgjandi nöldur og stunur)
sem eiga sér stað eftir að þú vaknar. Þessi tilfinning hverfur oft
eftir fimm eða tíu mínútur, sumir morgnar eru verri en aðrir.
Af hverju vaknar maður stirður á morgnana?
„Það er ekki vitað hvers vegna stífleiki á morgnana kemur fram,
sérstaklega þegar fólk eldist,en eini rauði þráðurinn er að það kemur fram eftir
langvarandi hreyfingarleysi,“ segir William Docken læknir, gigtarlæknir hjá Brigham. „Þess vegna ertu stirður á morgnana þegar þú vaknar, þar sem
í svefni ertu hreyfingarlaus í langan tíma.“
Hins vegar getur langvarandi seta valdið stirðleika, eins og að horfa á sjónvarp,
vinna við tölvuna eða sitja í bíl í langri bílferð.
Einföld lækning við stirðleika.
Til að brjóta upp langa setu setur þú ámininngu í símann eða tölvuna til að
minna þig á að hreyfa þig á 20 til 30 mínútna fresti. Gakktu um heima hjá þér
eða í hverfinu, sinntu heimilisstörfum eða taktu nokkur framstig, þú getur líka
gengið á staðnum í eina mínutu.
Annar valkostur er eftirfarandi A-B-C rútínan.
Þrjár æfingar sem fókusa á helstu stífu svæðin: axlir, bak og fætur.
Gerðu þetta á morgnana til að losa um, meðan þú situr eða þegar þú ert stífur.
A: Arm sveifla
Stattu bein/n með fæturna saman. Þegar þú andar að
þér skaltu sveifla handleggjunum út til hliðanna og upp í loftið. Þegar
þú andar út skaltu sveifla handleggjunum aftur niður að hliðunum. Endurtaktu fimm til tíu sinnum.
B: Aftur beygja
Stattu bein/n með fæturna aðeins í sundur. Leggðu hendurnar á mjóbakið með
fingurgómunum vísandi niður. Þegar þú andar að þér skaltu rúlla öxlunum
til baka og lyfta bringunni varlega í átt að loftinu og sveigja bakið að sársaukaþröskuldi.
Þú ættir að horfa upp í loftið fyrir framan þig. (Gætið þess að framlengja ekki hálsinn.) Haltu í þrjá til fimm andardrætti, slepptu við útöndun. Gerðu þrisvar til fimm sinnum.
C: Seta í 90 gráður (hnébeygja)
Stattu með fæturna í axlarbreidd og handleggina niður með síðum.
Lyftu handleggjum yfir höfuð. Þegar þú andar út, beygðu mjöðmina og
hnén í hnébeygjustöðu (eða eins lágt og þægilegt er) og haltu bakinu beinu.
Haltu í nokkrar sekúndur, reistu þig upp og um leið setur þú handleggina niður. Endurtaktu hreyfinguna þar til þú gerir fimm til tíu
endurtekningar. Þú getur líka lyft handleggjunum aðeins í bringuhæð
eða haldið höndunum á læri, þannig að þú einbeitir þér aðeins að neðri hluta líkamans.
Stirður og aumur á morgnana? Hvernig á að laga það.
Heimild: Harvard Health Blog.