Sjúklega góð súkkulaðiplata frá heilsumömmunni

Dökkt súkkulaði…er til eitthvað betra, ég bara spyr?

Ég hef notast nokkuð lengi við súkkulaðiuppskrift bæði heima og á namminámskeiðunum en mig langar oft í dekkra súkkulaði og svo er jú alltaf gaman að prófa eitthvað nýtt. Oftast kaupi ég 70-85 % súkkulaði og finnst bara vanta allt súkkulaðibragð af því sem er ljósara.

Hér kemur mjög bragðgóð uppskrift af heimatilbúnu dökku súkkulaði sem ég hvet ykkur til að prófa.

Hráefni:

• 1,5 dl bráðið kakósmjör (bræðið við mjög lágan hita eða í vatnsbaði)
• 1,5 dl kakó
• 0,5-0,75 dl hlynsýróp
• örlítið gott salt
• örlítið vanilluduft
• gúmmilaði ofan á plötuna eftir smekk, á myndunum er ég með goji ber, trönuber, pekan hnetur og brasilíhnetur

Aðferð:

1. Blandið öllu vel saman og leyfið blöndunni að kólna aðeins og þykkna.
2. Setjið blönduna í sílíkonmót eða hellið yfir bökunarpappír
3. Stráið yfir blönduna gúmmilaðinu sem þið viljið nota.
4. Stingið í ísskáp í ca. 30 mín eða í frysti í ca. 10 mín.
5. Brjótið í litla (eða stóra) bita og setjið í skál og njótið í botn

Það er mjög þægilegt að nota sílíkonmót.

Svo er bara að setja í fallega skál og njóta.

Uppskrift frá heilsumamman.com