GOTT MÁL - 4 þáttur

„Gott mál“ - matreiðsla á ofnæmisfæði 

Fæðuofnæmi eru síður en svo á undanhaldi þó svo að sumir séu sjálfgreindir eða að prófa sig áfram með að sleppa ýmsum fæðutegundum í sínu daglega mataræði í leit að betri líðan. Hvort sem fæðuofnæmið er læknisfræðilega greint eða ekki eiga allir rétt á að fá það ofnæmisfæði sem þeir telja sig þarfnast. Það kemur síðan í hlut þeirra sem annast matargerð víðs vegar í samfélaginu að matreiða og bera fram öruggan, vel samsettan og girnilegan mat. Sumir sem hafa þessu hlutverki að gegna finna ekki fyrir nægjanlegu öryggi og skorti jafnvel á þekkingu í tengslum við samsetningu á matseðlum og matreiðslu á ofnæmisfæði.

Það má draga úr slíku óöryggi með markvissri fræðslu og leiðsögn og hér má sjá þættina „Gott mál“ sem  Astma- og ofnæmisfélag Íslands lét gera í samvinnu Yggdrasil.

Matreiðsluþættirnir „Gott mál“ eru aðallega miðaðir að þeim sem vilja læra að matreiða ofnæmisfæði frá grunni úr heilnæmu hráefni. Hins vegar þá geta allir þeir sem áhuga hafa á matargerð og vilja elda hollan mat frá grunni haft gagn af þáttunum.