Kjúklinga naggar og franskar.

Kvöldmaturinn.

Langaði í skyndibita 
Svo reddaði því.

Kjúklinga Naggar með stæl..."crispy style"
Sætkartöflu franskar
Sinnepssósa

Verður ekki meiri "Skyndibita" fílingur en þetta 

Kjúklinga naggar.

4 Bringur ( velja vel )
4 Eggjahvítur ( á alltaf til brúsa með eggjahvítum)
2dl. möndlumjöl
2dl. spelti
150gr. Fitness morgunkorn
2msk. olia
Krydd eftir þínu höfði 
Ég notaði salt-pipar-cayennepipar-kjúlla krydd frá Pottagöldrum.

Aðferð.

Skera bringurnar í bita.
Setja Fitness kornið í matvinnsluvél og vinna vel setja oliuna með.
Setja á djúpan disk.
Á annan djúpan disk blanda saman möndlumjöli, spelti og kryddinu.
Á þriðja djúpa diskinn eggjahvítan hrærð upp.

Síðan setja kjúklingabitana fyrst í mjölblönduna síðan í eggjahvítuna og að lokum í fitness blönduna.
Bitana á að leggja í ofnskúffu með bökunarpappír undir.
Þá steikja í 250 gráðum heitum ofni ( fer eftir ofni samt) í svona 10 min og snúa svo bitunum og steikja í aðrar 10 min.

Þetta er alveg dúndur nammi :)

Sæt kartöflu franskar.

Einföld uppskrift það er hægt að googla mun flóknari uppskrift.
Skera sæta kartöflu í franska bita og leggja í ofnskúffu með bökunarpappír undir.
Salta og má setja olíu ef vill.

Sinneps sósa.

sýrður rjómi
sætt sinnep
Hunang
sítrónusafi