Avókadó súkkulaði myntu ís

Þessi er sjúklega góður, hann er einnig vegan og algjör snilld að eiga í frystinum.

Uppskrift er fyrir 4-6 – má stækka uppskrift.

Hráefni:

Tvær 400 ml dósir af kókósmjólk (ekki fitusnauðri og geyma í ísskáp yfir nótt)

2 þroskuð avókadó

5-7 msk af hrísgrjónasýrópi eða öðru sætuefni

1 tsk af piparmyntu extract

1 lúka af ferskum myntu laufum

¼ bolli af hrá cacao bitum

Leiðbeiningar:

Opnið dósir með kókósmjólkinni og mokið með skeið ofan í blandarann. Mjólkin á að vera þykk.

Bætið avókadó, sýrópi, piparmyntu og fersku myntunni saman við og látið blandast þar til mjúkt.

Bætið cacao bitunum saman við og hrærið með skeið.

Setjið í form og skellið í frystinn og geymið þar til þið ætlið að borða ísinn.

Gott er að leyfa ís að standa í 10 mínútur áður en hann er borinn fram.

Njótið vel!