Alþjóðadagur sjálfsvígsforvarna 10. september 2016 - Kyrrðarstundir

Kyrrðarstundir með hugvekju, reynslu aðstandenda og tónlist verða haldnar í Dómkirkjunni í Reykjavík, Akureyrarkirkju, Egilsstaðakirkju og Keflavíkurkirkju í tilefni dagsins laugardaginn 10. september kl. 20.00.

Tilgangurinn er að koma saman, eiga rólega stund og heiðra minningu þeirra sem látist hafa af völdum sjálfsvíga.

Dagskrá kyrrðarstundarinnar í Dómkirkjunni verður á þessa leið:

• Sigríður Esther Birgisdóttir aðstandandi segir frá reynslu sinni.
• sr. Sigfús Kristjánsson flytur hugvekju.

• Tónlist
  
  • Ellen Kristjánsdóttir tónlistarkona
  • Björn Steinar Sólbergsson organisti

Í lok stundarinnar verður kveikt á kertum til að minnast ástvina sem fallið hafa fyrir eigin hendi.

Að dagskránni standa, Embætti Landlæknis, Geðhjálp, Hugarafl, Ný dögun, Landspítalinn, Minningarsjóður Orra Ómarssonar, Lifa, Rauði krossinn á Íslandi og Þjóðkirkjan.

Fyrir hönd undirbúningshópsins
Salbjörg Bjarnadóttir
verkefnisstjóri