Glútenlausar vöfflur

Það er alltaf skemmtilegt að bjóða uppá vöfflur með kaffinu.

Þessar eru í senn afar góðar og einnig glútenlausar.

Hráefni:

5 dl fínt mjöl frá FINAX (rauð ferna fæst td.í Nettó og Hagkaup)

4 tsk vínsteinslyftiduft

½ tsk matarsódi

1 msk vanillusykur

½ tsk salt

3 egg NESBÚ

1 dl ab mjólk

1 dl olía

3-4 dl mjólk

Aðferð:

Blandið saman þurrefnum í skál, setjið eggin, ab mjólkina og olíuna því næst saman við og smá af mjólk og hrærið. Bætið við mjólkinni smám saman þar til þið eruð búin að setja ca. 3 dl saman við, látið deigið bíða í ca. 5 mínútur. Deigið þykknar þegar það er látið bíða og gott er að bæta smá mjólk við til viðbótar.

Þessi uppskrift gefur ca. 10  vöfflur.

Uppskrift þessi er frá eldhúsinu hennar Völlu.